BEIRASAR ROSALÍA

Seguimos aquí

2008-07-29T20:59:29+01:00

Dou por pechado este blog cara o comezo da nova tempada. O motivo, un "replanteamento" do mismo, cara unha visión máis amplia do baloncesto en Compostela, non limitada o Beirasar Rosalía.
Sodes todos, por tanto, benvidos.
Pasade por aquí

O vídeo do atraco

2008-05-25T16:43:07+01:00

Tralo resumo do partido do Breogán, a partires do segundo 33 de vídeo, poderase ver o video que certifica o atraco sufrido onte no Sar. Observase coma o tempo empleado por Hopkins SUPERA claramente o segundo, e como él, así como os seus compañeiros, apenas poden crer nun primeiro momento que o árbitro dese por boa a canasta.
Que cousas como estas pasen no deporte é triste. Moi triste.

L A D R Ó N S

2008-05-25T08:04:20+01:00

BEIRASAR ROSALÍA 72-73 BRUESA GBC
(PLAY-OFFS 1/4F: 2-0 BRUESA+FEB)

As imaxes dos segundos despois da non-canasta de Hopkins explican perfectamente o sentir da afección do Rosalía. Oleson, afundido, no chan, Félix pedindo explicacións, Legasa ou Ramsdell chorando de rabia e impotencia, o público aplaudindo ata 5 minutos a un equipo do que se sinten orguiosos, e o Bruesa e mailos árbitros correndo cara os vestiarios. Unha medida intelixente, por que, cando realizas un atraco a man armada, o millor que podes facer é fuxir do lugar do delito antes de que chegue a policía. Ben é certo, tamén, que neste caso, coma ocorre nas grandes películas de gangsteres e mafiosos, a policía (personificada no gran lider da Federación, Jose Luis Sáez) semella estar a morte cos infractores.

Por que se pode perder, pero non asi. Onte 9 homes plantaron cara a 12. Realizouse un partido serio, moi serio. Con erros, claro, pero con moitos acertos, levouse ata o límite ante un rival que cuadruplica o noso presuposto e... gañouse. A falta de 3 segundos, unha maxistral canasta dun espectacular Rogelio Legasa, puña a Rosalía 1 punto por riba. Unha falta de Dedas deixaba a Bruesa con só 44 décimas para facer xogada. O Rosalía cobre o posible palmeo, única opción que lle queda a Bruesa. Para nada. Coma se souberan que tiñan os de roxo da sua parte, Bruesa permitiuse xogar con calma. Balón a zona, Hopkins colle a bola no aire, cae, pivota, salta en suspensión e anota a canasta. O partido finalizara hai xa 1 segundo, pero os incompetentes (ou polo contrario, moi competentes, facendo o que tiñan que facer, coma alumnos ben adiestrados) de vermello baixaban os dous dedos, sellando o atraco. No fondo, que entrase ou non era pouco importante. Si o aro escupise a bola, probablemente sinalasen unha inexistente falta, ou no millor dos casos, xa lle regalarían a clasificación en Illumbre.

O Bruesa clasifícase a Final Four de Cáceres. Dun xeito deshonroso, pero clasificase. Rosalía firmou a acta baixo protesta, pese a saber que, si nunca serve de nada, menos agora.

O Rosalía, pola súa parte, despídese dun ano máxico prometendo continuidade e enganchando á xente. Vanse coa cabeza ben alta. Pese a derrota, coa cabeza moito máis alta que os donostiarras, que fuxiron con increíble velocidade co botín recién roubado (pese a todo, Felix e os seus homes, nun xesto de señorío que non está o alcance de todos, foron o vestiario visitante a felicitarlle pola clasificación). E dende logo, coa cabeza moito máis alta que os dous árbitros, tal vez incompetentes, tal vez mera marionetas, que fixeron, probablemente (e a vista de que xa en Donosti o arbitraxe foi un escándalo, do mesmo modo que a Alacante lle regalaron o primeiro partido ante Los Barrios), xusto o que tiñan que facer. O líder Sáez estará, de seguro, moi orguioso dos seus pupilos.

PARA LEERLO EN CASTELLANO PUEDES USAR EL TRADUCTOR OPENTRAD DE LA UNIVERSIDADE DE VIGO

Falta de fé (e dunha arbitraxe xusta)

2008-05-21T04:59:11+01:00

BRUESA GBC 76-67 BEIRASAR ROSALÍA
(PLAY-OFFS 1/4F: 1-0 BRUESA)

O Beirasar volveu a estar enorme onte, volveu a ser o equipo de principio de tempada, capaz de plantarlle cara a calqueira, por máis que o triplique en presuposto e efectivos, un equipo que asusta, que gusta e que se gusta. Desgraciadamente, só o foi durante 32 minutos, e os 8 restantes bastáronlle a Bruesa para decidir o partido e o primeiro punto da eliminatoria, e alonxar un pouco o soño de Cáceres para o conxunto compostelán.
E iso que o Bruesa saliu a cancha disposto a demostrar quen mandaba sobre a cancha. O Rosalía mantiñase no partido e en ningún momento se deixou superar con claridade polo conxunto local, o que lle permitiu, cun bo segundo cuarto, chegar en tablas ó descanso (35-35), causando dúbidas nos 7000 afeccionados que se deron cita en Illumbe.
Chegaba así a fase decisiva do partido co Rosalía coas opcións intactas e sabendo, con máis claridade que nunca, como facer dano o conxunto local. Tras unha primeira parte do cuarto igualada, o Rosalía conseguía acadar a máxima vantaxe do partido, os 5 puntos, cunha tripla de Ramsdell. Sen embargo, inmediatamentedespois o Bruesa acadaba un parcial de 5-0 que igualaba o partido, e o árbitro era quen de, a tan só 2 metros da xogada, inventarse, con gran derroche de imaxinación, a cuarta falta de Oleson, que ía o banco para non volver ata o derradeiro cuarto. Para clmo, minutos despois chegaba a cuarta de Monty, deixando máis coxo que nunca o conxunto colexial. Pese a todo, o Rosalía seguía plantando cara a Bruesa e nos instantes finais de cuarto conseguía irse os derradeiros 10 minutos con vantaxe no marcador, por 55-59, cun parcial de 5-10.
Pero todo o traballo se esfumaba a saída do derradeiro cuarto. O Rosalía perdía o balón no saque, e o Bruesa encadenaba un 8-0 de parcial. Ahí rematou o partido. O Rosalía deixou de crer nas súas posibilidades. Seguiu loitando, pero sin cabeza, e sin fé. Nos primeiros 8 minutos de cuarto só conseguiu 2 puntos (remataría o cuarto con 8). Mentres tanto, o Bruesa conseguía ir escapando pouco a pouco. Cando o Rosalía volveu a anotar, a diferencia era xa de 8 puntos a falta de tan só 2 minutos de xogo. Seguiu loitando o Rosalía, que tras un tempo morto de Félix volveu a crer en sí mesmo e apelou a épica, pero era demasiado tarde. A falta de 44 segundos, e 4 abaixo no marcador, o Rosalía conseguía roubar un balón que podía volver a darlle opcións reais de levarse o partido, pero se antes faltaba fé, agora faltaba asiedade. Gio Dedas precipitábase nese ataque e erraba un lonxano triple. Era o fin do partido. Xa co partido sentenciado, Bruesa conseguía amplia-la vantaxe a 9 dende os tiros libres, poñendo no electrónico un marcador que non indica a diferencia real do visto na cancha. Unha derrota dolorosa, por que non se pode evitar a sensación de que con moi pouquiño máis se podía ter sacado, e estar hoxe preto de Cáceres, pero unha derrota digna, coa cabeza ben alta, dun equipo que volve a ser o que tanto gustou na primeira parte da liga.

Felix, moi enfadado coa parella arbitral
En toda a tempada non habiamos visto a Félix Muñoz tan enfadado coa parella arbitral coma o estivo onte. Pese a non querer adicarlle máis que dúas frases, estas foron perfectamente significativas: "Prefiero no hablar de los árbitros. Estoy muy enfadado. Lo que pasa con los colegiados se queda sobre la cancha, prefiero no decir nada. La diferencia de tiros libres ha sido muy importante. Ellos han tirado 38 y nosotros 16. Además, creo que la cuarta falta de Oleson no existió".

As galegas, sin opcións na primeira xornada do Campionato de España Junior

2008-05-21T04:31:15+01:00

Comentaba que informaría do Campionato Junior Feminino se me daba tempo a pasarme, que unha oportunidade así non se deixa ver moito nesta cidade, e efectivamente, nesta primeira xornada houbo sorte e servidor puido achegarse pola tarde ata Santa Isabel para ver os partidos dos dous conxuntos galegos clasificados para esta competición (a xornada matutina non irei, temo, en todo o campionato). E servidor puido ver moito futuro, calidade nas rapazas... sobretodo, de Las Palmas de Gran Canarias. Xa se comentaba polo pabillón o alto nivel mostrado na xornada da mañá de outro equipo canario, o Uni CajaCanarias tinerfeño, pero o das xogadora do Gran Canaria, que xa hoxe comezou a exercer coma favorito, foi un paseo militar, unha verdadeira exhibición ante un Cía María que, desgraciadamente, nunca conseguiu entrar no partido, abrumado pola superioridade "visitante". Xa no primeiro cuarto (único no que o Cía María superou os 10 puntos), o Gran Canaria conseguira máis puntos dos que as viguesas conseguiron nos corenta minutos de xogo. Realmente importante que as viguesas non lle perdan a cara o campionato, que acaba de comezar. Gran Canaria xoga noutra liga e unha derrota amplia hoxe era perfectamente previsible. Tocará, coma era de agardar, xogarse a cara ou cruz a segunda praza ante San Isidro, salvo que éste consiga dar a sorpresa ante as canarias mañá. Non moito que dicir sobre as xogadoras a destacar, por que por Canarias todas merecen reseña, pero se cabe valga destacar por riba a número 19, Vanesa Doukole, con 26 puntos, 40 rebotes e 72 de valoración, e a Leonor Rodriguez, dorsal 4, con 40 puntos e 59 de valoración.

Xusto antes á AD Cortegada de Vilagarcía perdía nun partido moito máis axustado ante o CB Majadahonda madrileño. Pese a superioridade madrileña, as xogadoras do Fundiciones Rey nunca lle perderon a cara o encontro, mesmo foron por riba todo o primeiro cuarto, alcanzando ata os 10 de vantaxe (33-27 o descanso), pero tras 30 minutos moi igualados (49-49), o Majadahonda daba un arreón final que as de Vilagarcía non puideron seguir, rematando por perder cun resultado máis abultado do que resultaría xusto. As de Vilagarcía xogarán mañá, sen marxe de erro nin de descanso, o partido decisivo fronte as donostiarras do Bera Bera.

XORNADA DE HOXE (pulsa o resultado para acceder as estatísticas):

Grupo A: Ciudad Ros Casares 68-69 CBF Sarriá

Grupo B: Helios Mann Filter 40-62 Uni CajaCanarias

Grupo C: Fundiciones Rey 61-78 CB Majadahonda

Grupo D: Gran Canaria La Caja de Canarias 128-34 Cía María Vigo

XORNADA DE MAÑÁ (Mércores 21)

10:00 Ciudad Ros Casares - Basket Mar Grupo (Grupo A)

12:00 Helios Mann Filter - Oaxaca Antequera CB Guindós (Grupo B)

16:30 Fundiciones Rey - Bera Bera RT (Grupo C)

18:30 Gran Canaria La Caja de Canarias - San Isidro Covipro (Grupo D)

Bruesa GBC, rival nos play-off

2008-05-17T20:07:17+01:00

Hoxe, sábado, día post-partido, o lóxico sería, tal vez, falar do partido de onte en La Laguna. Derrota de 8 puntos, deixando escapar un average que non tiña demasiada importancia, entre un equipo que se xogaba os play-offs e outro que non se xogaba nada e deu minutos os menos habituales, deixando descansar e sin forzar a xogadores con molestias.
O único interesante da xornada de onte era saber con quen quedariamos emparellados nos play-offs. Finalmente, coma oitavos clasificados, o rival nesta primeira experiencia do Rosalía na fase de ascenso será o Bruesa Guipúzkoa Basket, equipo recién descendido, coa obriga de ascender, pero o preferido no seo do conxunto colexial.
Tal vez nesa tranquilidade poidan esconderse as pequenas posiblidades do Rosalía de da-la campanada e colarse en Cáceres: mentres que o Rosalía xa cumpliu, con notable alto, polo menos, os obxectivos da campaña, o Bruesa GBC non conseguiu cumplir o primeiro obxectivo, o ascenso directo, e si non ascender sería un fracaso para o conxunto de Pablo Laso, quedarse fora da Final Four de Cáceres sería, directamente, un absoluto desastre.
Evidentemente, pese a todo, Bruesa é o evidente favorito para chegar a Cáceres. Nas filas do Bruesa GBC figura o xogador máis valorado da tempada, Andu Panko (21,88), se ben terá que verse as caras ante o segundo nesta clasificación, quen si non, o grandísimo Brad Oleson (21,00). Na tempada regular, o Rosalía non foi quen de vencer en ningún dos dous partidos, se ben ambos se decidiron no derradeiro minuto, caendo de 9 puntos en Illumbe (96-87) e estando moi preto da victoria no Multiusos do Sar, onde, tras un gravísimo (bochornoso) erro de Wilborn, o Rosalía non era quen de forzar a prórroga e perdía por 88-90. Esta igualdade fai pensar que o Bruesa non se permitirá o luxo de caer nun exceso de confianza e, en calqueira caso, que poderemos ver un partido de poder a poder.

Estos foron os números de ambos equipos na tempada regular:

Xa hai calendario do Campionato de España Junior feminino

2008-05-14T02:35:15+01:00

Prometía onte tratar polo miúdo o Campionato Junior Feminino que se disputa na nosa cidade entre o 20 e o 25 de Maio, e que agarde seguir de preto se o tempo o precisa.
Pois comezamos hoxe mesmo. Tralo sorteo de hoxe a tarde, o Campionato xa ten os grupos configurados e o calendario de xogo. O Extrugasa é favorito do seu grupo, mentres que o Cía María terá que verse as caras co poderoso Gran Canaria e loitará, a priori, pola clasificación, ante o vallisoletano San Isidro, o que xa venceu no intersector xogado na cidade pucelana.

GRUPO A
Ciudad Ros Casares (1º Centro)
CBF Sarriá (2º Este)
Basket Mar Grupo Gijón (3º Norte)
GRUPO B
Helios Mann Filter Zaragoza (1º Este)
Uni CajaCanarias (2º Sur)
Oaxaca Antequera - CB Guindós (3º Sur)
GRUPO C
Fundiciones Rey Extrugasa (Clasificado como campión galego)
CB Majadahonda (2º Centro)
Bera Bera RT (3º Este)
GRUPO D
Gran Canaria La Caja de Canarias (1º Sur)
Compañía de María Vigo (1º Norte)
San Isidro Covipro Valladolid (4º Norte)